پەرلەمانتارەکا فڕاکسیۆنا پارتی ئاشکراکر، پارتی دێ ھەموو بزاڤەکێ بۆ ئەنجامدانا ھەلبژارتنێن ھەرێما کوردستانێ کەت و دبێژیت، دەم یێ بەرەف کێمبوونێ دچیت و پێدڤیە لەز بھێتەکرن بۆ بەرھەڤیێن ھەلبژارتنان.
لەیلا عەبدولجەبار، پەرلەمانتارا پارتی لپەرلەمانێ کوردستانێ بۆ ئاژانسا خانی دیارکر” گورەی قانوونا کۆمسیۆنا ھەلبژارتنان شەش ھەیڤ پێدڤینە بۆ کۆمسیۆنێ، ھەتا بەرھەڤیێن برێڤەچوونا ھەلبژارتنان بکەن، بەلێ بۆچوونێن جودا دناڤبەر لایەنێن سیاسی دا ھەنە بۆ ئەنجامدانا ھەلبژارتنێن ئەڤسالە، چونکە ھەتا قانوونا ھەلبژارتنان ژی بھێتە راستڤەکرن دەم پێدڤیە، ھەروەسا دڤێت کۆمسیۆن ژی بھێتە کاراکرن دیسان دێ دەم بۆریت، سەرەڕای ڤێ چەندێ ژی ئەم وەک پارتی دگەل برێڤەچوونا ھەلبژارتناینە ددەمێ دیاری کری دا.
عەبدولجەبار ئاماژەکر” پرسا ھەلبژارتنان پێدڤی ب رێکەفتنا لایەنێن سیاسی ھەیە و یا فەرە لەزێ بكهن بۆ ئێکلاکرنا پرسا رێڤەچوونا ھەلبژارتنان، ژبەر کێمبوونا دەمی و چەندین جاران وەک پارتی مە داخوازا کۆمبوونا پەرلەمانی کریە و دێ ھەمی بزاڤان ژی کەین بۆ ئەنجامدانا ھەلبژارتنان.
