شهمۆ قاسم، ئهندامێ دهستهیا بلند یا بنگههێ لالش تایبهت بۆ ئاژانسا خانى راگههاند: جهژنا چارشهمبا سۆر جەژنەكا كوردێن ئيزدى يه كو ل ههمى سالان ل چارشهمبا ئيكێ يا ههيڤا نيسانێ ل گور سالناما كوردى دهێتەكرن، مهها نیسانێ ل دهف ئێزدیان دهسپێكا سالا سرۆشتیه و ههر 12 مههێن سالێ ژ نیسانێ دهسپێدكهن، ئهڤ جهژنه ل پهرسگهها لالش و دناڤ جڤاكیدا دهێته گێران. ئهڤێ جهژنێ چهندين رێورهسمێن تايبهت و نهێنى ههنه ئهو ژى ئهڤێن خوارێ نه:
– سپێدههیا جهژنێ مالێن ئيزدیان كوليلكێن نیسانێ یێن سۆر ب هندهك ههریێ یان ژى ب ههڤیرى ب دهرگههێ مالا خۆ ڤە دكهن، و قلپیچكێن هێكێ ددانه ل سهر ههڤیرى، ههروهسا گیایهك یێ ههى ب ناڤێ (بێناڤ) ئهوى گیایى ژى ب دهرگههێن مالێ ڤه دكهن، ئهو چهنده نيشانه بۆ هندى كو ئهڤ ماله یا كهسهكێ ئيزدى يه و دهسپێكا بهارێ یه.
– ههروهسا شڤانێن پهزی سپێدههیا جهژنێ پهزى ژ كوتانى دهردئێخن و بهرخكا بهردهنه دناڤ پهزى و دبێژنێ: شیرێ ئهڤرۆ بههرا بهرخی یه، ئهڤه رێزگرتنه بۆ گیانهوهرى، ههروهسا پشتى نیڤرۆ بێریڤان دێ چن و گههنه شڤانى دێ گوپالى ژێ وهرگرن و دێ پرت پرت كهن، ههر بێریڤانهك پرتهكا وى گۆپالى دێ ل دهف خوه ههلگریت، و دهمێ ڤهگهریانێ ب مهشكا خوه ڤهدكهت، ب مهرهما مهها خێر و بهرهكهتێ.
– د ڤێ جهژنێدا هێك دهێنه رهنگرن، رامان ژ كهلاندنا هێكێ ئهو گویا ئهردى یه و رهنگكرنا هێكێ جوانیا سرۆشتیه.
– ل ئێڤاریا رۆژا جهژنێ بابه شێخ و كهسانێن دگهلدا دچنه پهرسگهها لالش و 365 شهمالكان ههلكهن رامان ژێ 365 رۆژێن سالێ نه ئانكو سالا نوى دێ دهسپێكهت.
– دڤێ جهژنێدا ژنێن ئێزدی خارنێن خوه یێن تایبهت دلێنن، وسپێدههیا جهژنێ دچنه گورستانان و زهلام دچنه مهزارگههان گۆندى وجهژنا ئێكودو پیرۆزدكهن، مهرهم ژ چوونا ژنكان بۆ گورستانان ژبهركو پتر گرێداى مریێن خوه و بیرهاتنایه و خارنێ ددهنه فهقیران.
