ڕێبوار تالەبانی: بێی ئاسایی کرنا رەوشا دەڤەرێن کوردستانێ سەرژمێرییا گشتی نە دەستوورییە

شیرەتکارێ سەرۆکێ حكومەتا ھەرێما کوردستانێ بۆ دەڤەرێن کوردستانێ ئاشکراکر، ھەر پڕۆسەکا سەر ژمێرییێ بێی ئاسایی کرنا ڕەۆشا دەڤەرێن کوردستانێ بھێتە كرن، بەرۆڤاژی قانوون و دستوورییە.

ڕێبوار تالەبانی شیرەتکارێ سەرۆکێ حوکمەتێ بۆ دەڤەرێن کوردستانێ بۆ ئاژانسا خانی دیارکر، ڕاستە حكومەتا عێراقێ ل بەرە دسالا بهێتدا سەرژمێرییا گشتی ب رێڤەببەت، بەلێ ھێشتا بڕیارا دووماھییێ نەدەرکرییە و ھەر پڕۆسەیه‌کا سەرژمێرییا گشتی، بێی ئاسایی کرنا رەوشا کەرکووک و دەڤەرێن کوردستانێ بھێتە كرن بەرۆڤاژی دستوورێ عێراقێ یە.

گوت ژى: حكومەتا عێراقێ دخوازیت د دەمەکێ دا سەرژمێرییا گشتی ب رێڤەببەت كو دبەرژەوەندییا وان دابیت، ل سالا 2007 ێ بڕیاربوو سەرژمێرییا گشتى بھێتەکرن، بەلێ ب بەھانەیێن جودا ھاتە پاشخستن، ئەو وەکو حكومەتا ھەرێما کوردستانێ ل سه‌ر ڤێ چه‌ندێ درژدن، کو بەری سەرژمێری بھێتە كرن رەوشا دەڤەرێن کوردستانی بۆ بەرییا روودانێن 16 ی ئۆکتۆبەرێ بھێتە ڤەگەڕاندن.