شاندةكێ فراكسيۆنا پارتى ل بةغدا دگهل پارێزگارێ مووسل ل دۆر ههلوهشاندنا بریارا رێڤهبهرییا بهلاڤكرنا سوتهمهنییێ ب دژى شوفێرێن ههرێما كوردستانێ كۆمبوو.
شێروانه دوبهردانى، ئةندامێ پهرلهمانێ عیراقێ ل سهر فراكسیۆنا پارتى بۆ ئاژانسا خانى دیاركر، پشتى فراكسیۆنا پارتى ل پهرلهمانێ عیراقێ دگهل سهرۆك بارزانى كۆمبووى، ب فهرمانا سهرۆك بارزانى شاندهكێ پارتى ل پهرلهمانێ عیراقێ كو ژ ئهندامێ لژنهیا دهستپاكییێ د. خالد و ئهندامێ لژنهیا دارایى د. خهلیل و ئهندامێ لژنهیا ساخلهمییێ د. ماجد و ئهندامێ لژنهیا چاندنێ شێخ موافق سورچى پێكهاتبوو، سهرهدانا پارێزگههێن عیراقێ و ههرێما كوردستانێ كر و دگهل پارێزگار و قائیمقام و ئیدارهیێن سهربهخۆ و فهرمانگههێن حكومى و یێن نهحكومى ل دۆر ههماههنگییا وان دگهل فراكسیۆنا پارتى بۆ چارهسهركرنا كێشهیێن وهلاتییان یێن ههموو پارێزگههێن عیراق و ههرێمێ و دهڤهرێن دهرڤهى ئیدارهیا ههرێمێ كۆمبوو.
ناڤبرى دیارژى كر، ئهڤرۆ شاندهكى سهرهدانا پارێزگارێ مووسل نهجم جبورى كر و ل دۆر كێشهیێن وهلاتییان كۆمبوون، كو ئهڤه دهمهكه رێڤهبهرییا بهلاڤكرنا سوتهمهنییێ ل پارێزگهها مووسل بریاردایه ههر كهسهكێ بهلگهنامهیێن وى یێن ههرێمێ بن وى ماف نینه بانزینا 400 دینارى وهربگریت و ب تنێ ئهو شوفێره دێ وهرگرن ئهوێن بهلگهنامهیێن وان سهر ب پارێزگههێن عیراقێ ڤهبن، لێ پشتى چهند دانوستاندنان دگهل پارێزگارى، ئهڤ بریاره ههتا ئێكى مهها 9 یا ئهڤ ساله هاته راوهستاندن و شوفێرێن ههرێما كوردستانێ و یێن مووسل دێ وهكو ئێك و ب ئاسانى بانزینێ وهرگرن.
ههروهسا شێروان دوبهردانى ئاشكراكر، بریار هاته دان ئهو پارزینگههێن ب نهقانوونى ل دهڤهرێن ژ دهرڤهى ئیدارهیا ههرێما كوردستانێ كاردكهن بهێنه داخستن و رێك ب وان نههێته دان ب قاچاغى بهنزینێ ب فرۆشن، ژبهركو ئهو جهێن نهقانوونى زیانى ب مووسل و ههرێما كوردستانێ دگههینن.
