مه‌لا جیهاد دوسكى: دیكل وعه‌لوك نابنه‌ ‌قوربانى بۆ جه‌ژنێ

مه‌لا جیهاد دوسكى سه‌رۆكێ ئێكه‌تیا زانایێن ئاینێ ئیسلامێ ل پارێزگه‌ها دهوكێ بۆ ئاژانسا خانى راگه‌هاند، قوربان سونه‌ته‌ نه‌فه‌رزه‌ به‌لێ ئه‌ركه‌ لسه‌ر وان كه‌سان یێن پێچێ بوى.

ل دور جورێن قوربانیان دوسكى دبێژیت: ئه‌گه‌ر به‌رخ بیت پێدڤیه‌ ژیێ وی شه‌ش مه‌هـ ده‌ربازكربن و ئه‌گه‌ر بزن بیت ساله‌ك ده‌رباز كربیت و هه‌روه‌سا چێل و گامێش و گولك دڤێت دوو سال ده‌رباز كربن و پێتڤیه‌ یێت ساخله‌مبن.

سه‌رۆكێ ئێكه‌تیا زانایێن ئاینێ ئیسلامێ دیار ژى كر، دیكل و عه‌لوك نابنه‌ قوربانى، هه‌روه‌سا حه‌فت مال دشێن خو بكه‌نه‌ ئێك بۆ دانا چێله‌كێ یان گامێشه‌كێ، به‌لێ بۆ په‌زى دڤێت ماله‌ك بتنێ بیت.

لدور دابه‌شكرنا قوربانى گوت:خودان دشێت بكه‌ته‌ سێ پشك، ئێك بو وى و ئێك بۆ دیاریا وئێك ژى بۆ فه‌قیرو هه‌ژارا، هه‌روه‌سا دشێت قوربانی ب نیڤى كه‌ت نیڤه‌ك بۆ خۆ راكه‌ت و نیڤا دى بۆ خیرێ.
جیهاد دوسكی دوپاتكر، نه‌زر جودایه‌ ژ قوربانى نابیت هه‌ردو ببنه‌ ئێك، هه‌روه‌سا دڤێت قوربانى پشتى نڤێژا جه‌ژنێ هه‌تا رۆژا چارێ رۆژ ئاڤا دبیت و باشتره‌ ب رۆژ بهێته‌ دان.