حەفت بریندار گەهشتنە دهۆكێ و ئیك ژ وان گیانێ خوە ژ دەستدا

رێڤه‌به‌رێ نه‌خوشخانا هه‌وارهاتنا دهۆكێ راگه‌هاند، 7 قوربانییێن توپبارانا زاخۆ گه‌هشتینه‌ نه‌خوشخانا وان و ئێك ژوان گیانێ خوه‌ ژ ده‌ست دایه‌.
دكتور عبدولا ئیبراهیم، رێڤه‌به‌رێ نه‌خۆشخانا هه‌وارهاتنێ ل دهۆكێ د كونگره‌كێ رۆژنامه‌ڤانى دا راگه‌هاند، حه‌فت قوربانیێن تۆپبارانا زاخۆ هاتینه‌ ره‌وانه‌كرن بۆ نه‌خۆشخانا ته‌نگاڤیا ل دهۆكێ و ئێك ژ وان زه‌لامه‌كێ 27 سالى بوو لێ ب مخابنیڤه‌ ژبه‌ر گرانییا برینا وى گیانێ خوه‌ ژ ده‌ست دایه‌، بریندارێن دی ژى پرانییا وان ژن و زارۆكن و دوو ژ وان دێ نشته‌رگه‌رى بوو هێته‌كرن و یێن دی ژى ڕه‌وشا وان یا جیگیره‌.

ناڤبرى سوپاسیا ساخله‌مییا ئیدارا سه‌ربه‌خۆیا زاخۆ كر بۆ ره‌وانه‌كرنا وان نه‌خۆشان هه‌روه‌سا سوپاسییا ساخله‌مییا پارێزگه‌ها دهۆكێ كر بۆ دابینكرنا هه‌می پێدڤییێن نه‌خوشان بۆ نه‌خۆشخانا هه‌وارهاتنێ ل دهۆكێ.

هه‌ژى گوتنێ یه‌، ئه‌ڤرۆ توپخانه‌یێن سوپایێ توركیا هاڤینگه‌ها په‌ره‌خێ یا ب سه‌ر ناحییا ده‌ركارێ ڤه‌ ل سنوورێ ئیداره‌یا سه‌ربه‌رخۆ یا زاخۆ توپباران كرییه‌ و چه‌ند گه‌شتیارێن عه‌ره‌ب بووینه‌ قوربانى.‌

هەژی گۆتنێ د بویەرێدا هەتا نوكە 9 كەسان گیانێ خوە ژ دەستدایە و 26 كەس ژی بریندار بووینە.