ئەڤ سالە پتر ژ ٢٠٠ جاران ئاخا ھەرێما کوردستانێ ھاتییە بوردۆمانکرن

ئاژانسا خانی ” تایبەت:

لدووڤ ئامارەکێ ب تنێ د ئەڤ سالە دا پتری ٢٠٠ جاران ئاخا ھەرێما کوردستانێ ھاتییە بوردۆمانکرن و تۆپبارانکرن” ئەمیندارێ بەرێ یێ وەزارەتا پێشمەرگەیی ژی دبێژیت، عێراق بەرپرسە ژ پاراستنا سەروەرییا ئاخا خۆ.

ئەمیندارێ بەرێ یێ وەزارەتا پێشمەرگەیی بۆ ئاژانسا خانی دیارکر” ب تنێ ئەڤ سالە پتری ٢٠٠ جاران ھەرێما کوردستانێ ھاتییە بوردۆمانکرن و تۆپباران، ب ئارمانج گرتنا ئاخا ھەرێما کوردستانێ ب رێکێن جۆدا بووینە ژوان ژی تۆپباران و ھێرشێن فڕۆکێن بێفرۆکەڤان و ھێرشێن ئاسمانی، مخابن زیانێن مەزن یێن گیانی و مادی ژی ھەبووینە بۆ سەر ھەرێما کوردستانێ.

جەبار یاوەری گۆت ژی” لدووڤ ده‌ستووری حوکمەتا عێراقێ بەرپرسە ژ پاراستنا سەروەریا ئاخا عێراقێ و پێدڤییە حوکمەتا عێراقێ کۆنتڕۆلا ئاسمانی و سینورێن خۆ بکەت، بەلێ مخابن عێراق ھەتا نوکە یا لاوازە ل ھەمبەری بەزاندنا سەروەرییا خۆ، ئەڤە ژی بوویە ئەگەرێ ڤێ چەندێ بەردەوام ئاسمان و ئەردێ عێراقێ یێ ڤالابیت ل ھەمبەر ھەر دەستدرێژییەکا دەرەکی.