‌جۆ بایدن تووشى كۆرۆنایێ بوویه‌

كوچكا سپی ل ئه‌مریكا راگه‌هاند، سه‌رۆكێ وه‌لاتێ وان جۆ بایدن تووشی كۆرۆنایێ بوویه‌، به‌لێ ره‌وشا وى یا جێگیره‌.

ئه‌ڤرۆ 21ى ته‌مموزا 2022ێ  كوچكا سپی ل ئه‌مریكا دبه‌یاننامه‌یه‌كێ دا دیاركر، جۆ بایدن سه‌رۆكێ ئه‌مریكا تووشی ڤایرۆسێ كۆرۆنا بوویه‌ و چه‌ند نیشانه‌كێن كێم یێن كۆرۆنایێ لێ دیاربووینه‌.

ئاشكراژى كرییه‌، سه‌رۆك بایدن دێ هێته‌ كه‌رنتینه‌كرن و ژ دوورڤه‌ كارێن سه‌رۆكایه‌تییێ ب رێڤه‌به‌ت.

زێده‌تر كوچكا سپى دیاركر، دێ چاڤدێریا وان هه‌موو كه‌سان كه‌ن یێن كو ل چه‌ند روژێن بوورى نێزیكى بایدنى بووین، و دووپاتكرییه‌ دێ هه‌موو زانیارییان ل سه‌ر ره‌وشا ساخله‌مییا جۆ بایدنى به‌لاڤكه‌ن.