ئه‌ڤرۆ 22ى ته‌باخا 2022ێ سه‌رۆكێ هه‌رێما كوردستانێ نێچیرڤان بارزانى پێشوازى ل بالیۆزێ ژاپۆن ل عیراقێ سوزوكى كوتارۆ و شاندێ دگه‌لدا كر.
د كۆمبوونه‌كێ دا دووماهى پێشهاتێن ره‌وشا سیاسى یا عیراقێ و په‌یوه‌ندییێن ژاپۆنێ دگه‌ل عیراق و هه‌رێما كوردستانێ هاتنه گوتوبێژكرن.
بالیۆزێ ژاپۆنێ دووپاتكر، وه‌لاتێ وى دێ ل سه‌ر پشته‌ڤانى و هاریكاریكرنا عیراق و هه‌رێما كوردستانێ یێ به‌رده‌وام بیت، په‌سنا پێشكه‌ڤتنا هه‌رێما كوردستانێ كر، و رۆلێ سه‌رۆكێ هه‌رێمێ نێچیرڤان بارزانى دلێك نێزیككرنا لایه‌نێن سیاسى یێن هه‌رێما كوردستانێ و ئێك رێزییا دناڤبه‌را واندا بلند نرخاند.
ژلایێ خۆڤه سه‌رۆك نێچیرڤان بارزانى سوپاسییا رۆلێ ژاپۆنێ ل هه‌رێما كوردستانێ و عیراقێ كر، و ئاماژه ب كار و چالاكییێن ئاژانسا جایكا یا ژاپۆنى كر، و داخوزا به‌رده‌وامبوونا كار و چالاكییێن ژاپۆنێ ل كوردستانێ و پێشڤه‌برنا په‌یوه‌ندییێن دناڤبه‌را هه‌ردوو لایان دا كر.
