سه‌رۆك بارزانى پێشوازى ل كونسۆلێ نوو یێ ئه‌مریكا ل هه‌ولێرێ كر

ئه‌ڤرۆ 22ى ته‌باخا 2022ێ سه‌رۆك بارزانى ل سه‌لاحه‌دینێ پێشوازى ل كونسۆلێ نوو یێ ئه‌مریكا ل هه‌ولێرێ ئێرڤن هیكس كر.

د دیداره‌كێ دا كونسۆلێ گشتى یێ ئه‌مریكا ل هه‌ولێرێ پێزانینێن خوه‌ بۆ خه‌بات و قوربانیدانا گه‌لێ كوردستانێ ژ پێخه‌مه‌ت گه‌هشتنا ئازادى و رووبرووبوونا دیكتاتورییه‌تێ پێشكێشكرن و دیاركر، گه‌هشتن ب به‌خته‌وه‌رى و ئازادیخوازییێ خاله‌كا هه‌ڤپشكه‌ دناڤبه‌را گه‌لێ ئه‌مریكا و گه‌لێ كوردستانێ دا، سه‌رۆك بارزانى ژى دووپاتى ل هندێ كر كو گه‌لێ كوردستانێ خودان دوزه‌كا ره‌وایه‌ و یێ به‌رهه‌ڤه‌ هه‌موو جۆرێن قوربانییان بۆ ڤێ دوزێ بده‌ت.

دهه‌مان دیدار دا دووپاتى ل پێشڤه‌برنا په‌یوه‌ندییێن هه‌ردوو لایان هاته‌كرن، و كونسۆلێ گشتى یێ ئه‌مریكا ل هه‌ولێرێ به‌حسا هاریكارى و هه‌ماهه‌نگییا وه‌لاتێ خوه‌ بۆ حكومه‌تا هه‌رێما كوردستانێ دبوارێن پێشخستنا كه‌رتێ تایبه‌ت و ده‌رفه‌تێن كارى بۆ وه‌لاتییان دا كر.