<h3 style="text-align: justify;"><span style="font-size: 18pt;">حكومهتا ههرێما كوردستانێ راگههاند، دئهڤ سالهدا زێدهتر ژ سێ ملیۆن و 700 هزار گهشتیاران هاتینه ههرێما كوردستانێ و 85% یا ئهوان گهشتیاران ژ باشۆر و ناڤهراستا عیراقێ هاتینه.</span></h3> <h3 style="text-align: justify;"><span style="font-size: 18pt;">ئهڤرۆ 14ى ئهیلولا 2022ێ حكومهتا ههرێما كوردستانێ ئامارهكا دهستهیا گهشتۆگوزارێ بهلاڤكر كو تێدا ئاماژه ب هندێ كر، ژ رێككهفتى ئێكى كانوونا دووێ ههتا ئێكى تهباخا 2022ێ سێ ملیۆن و 779 هزار و 656 گهشتیار هاتینه ههرێما كوردستانێ.</span></h3> <h3 style="text-align: justify;"><span style="font-size: 18pt;">ئاماژه ب وێ چهندێ ژى كر 85% یا گهشتیاران ژ ناڤهراست و باشۆرێن عیراقێ هاتینه و 15% یا دی ژى گهشتیارێن بیانى بوون، و نوكه كار بۆ زێدهكرنا پرۆژهیێن گهشتیارى یێن جۆرهوجۆر دهێتهكرن داكو ژمارا هاتنا گهشتیاران زێدهتر لێ بهێت.</span></h3> <h3 style="text-align: justify;"><span style="font-size: 18pt;">ل دووڤ داتایێن دهستهیا گهشتۆگوزارا ههرێما كوردستانێ، نێزیكى سێ هزار جهێن شوونوارى و بنگههێن گهشتیاری ههنه كو خزمهت و چالاكییێن جۆدا یێن گهشتیارى تێدا دهێنهكرن، بهشهك ژ ئهوان جهان ژى تایبهتن ب وهرزێ زڤستانێ و ئهوان یارییێن ل سهر بهفرێ دهێنهكرن.</span></h3> <h3 style="text-align: justify;"><span style="font-size: 18pt;">ل رۆژا پێنجى خزیرانا 2022ێ دكۆمبوونهكا جڤاتا وهزیرێن ههرێما كوردستانێدا، وهزیرێ باژێرڤانى و گهشتۆگوزارێ راپۆرتهكا 17 خالى پێشكێشكربوو ب مهرهما زێدهتر گرنگیدان ب كهرتێ گهشتیارى و حكومهتا ههرێمێ بریاردا، ههموو وهزارهت ههماههنگییهكا زێدهتر بۆ پێشخستنا كهرتێ گهشتۆگوزارێ بكهن، و بۆ هندێ ژى دهستهیا گشتى یا گهشتۆگوزارێ پلانهكا ههشت سالى بۆ پێشخستنا گهشتۆگوزارێ و زێدهكرنا پرۆژهیێن وهبهرهێنانێ بهرههڤكربوو.</span></h3>
