هه‌تا نوكه‌ چ رێككه‌فتنێن فه‌ر‌می بۆ پێكئینانا هه‌ڤپه‌یمانییا برێڤه‌برنا ده‌وله‌تێ نه‌هاتینه‌ كرن

 

ئەندامه‌كێ هه‌ڤپەیمانییا نەسر كو پشكه‌كه‌ ژ چارچوڤێ هه‌ماهەنگییێ دیار كر: ئه‌وا دناڤبه‌را چارچوڤێ هه‌ماهەنگییێ و لایەنێن دیتر سەبارەت پێکئینانا هه‌ڤپەیمانییا رێڤەبرنا دەوڵەتێ هەیی “لێک تێگەهشتنا سەرەتاییە” و چاڤه‌رێیی هەڵویستێ رەوتێ سەدرینه‌ بۆ راگەهاندنا وێ هه‌ڤپەیمانییێ ب ره‌نگه‌كێ فەرمی.

عه‌قيل ردێنى، په‌يڤدارێ هه‌ڤپه‌يمانيا نه‌سر دیار كر: زانياری يێن ل دۆر گرێدانا رێككه‌فتنه‌كێ د ناڤبه‌را لايه‌نێن سياسى دا ل دۆر پێكئينانا هه‌ڤپه‌يمانيیا برێڤه‌برنا ده‌وله‌تێ د راست نينن و هه‌تا نوكه‌ چ رێككه‌فتنێن فه‌رمى ل سه‌ر ڤى بابه‌تى نه‌هاتينه ‌كرن. 

ناڤهاتى گۆت ژی: ئه‌وا نوكه‌ هه‌یى ب تنێ گۆتوبێژن د ناڤبه‌را لايه‌نێن سياسى دا ل سه‌ر پێكئينانا ڤێ هه‌ڤپه‌يمانيێ و بيروبۆچوون ل دۆر ئارمانجێن وێ هاتينه‌ لێك گۆهارتن، لێ هه‌تا نوكه‌ ب فه‌رمى لايه‌نان ئيمزا ل سه‌ر وێ رێككه‌فتنێ نه‌كريیه‌ و ب فه‌رمى هه‌ڤپه‌يمانى نه‌هاتيه‌ دامه‌زراندن.