وهزارهتا پلاندانانا عیراقێ ئاشكراكر، ژمارا ئاكنجییێن ههرێما كوردستانێ ژ پێنج ملیۆن و 884 هزار كهسان زێدهتره و رێژهیا 14%ێ یا ئاكنجییێن عیراقێ نه.
وهزارهتا پلاندانانا عیراقێ راگههاند، ل دووڤ دووماهى ئامارا ل بهر دهست، ژمارا ئاكنجییێن ههرێما كوردستانێ پێنج ملیۆن و 884 هزار و 23 كهسن و دبیته رێژهیا 14%ێ یا ئاكنجییێن عیراقێ.
ل دووڤ نڤیسارا وهزارهتا پلاندانانا عیراقێ، ژمارهیا ئاكنجییێن دهۆكێ ئێك ملیۆن و 432 هزار و 326 كهسن كو دبیته رێژهیا 3.4%ێ یا ئاكنجییێن عیراقێ، ههروهسا ژمارا ئاكنجییێن ههولێرێ دوو ملیۆن و 55 هزار و 448 كهسن كو دبیته رێژهیا 4.9%ێ یا ئاكنجییێن عیراقێ، و ژمارا ئاكنجییێن سلێمانییێ دوو ملیۆن و 396 هزار و 206 كهسن و دبیته رێژهیا 5.7%ێ یا ئاكنجییێن عیراقێ.
ژلایهكێ دیڤه دهستهیا ئامارا ههرێما كوردستانێ دیاركر، ژمارا ئاكنجییێن پارێزگههێن ههرێمێ ل سالا 2020ێ نێزیكى شهش ملیۆن و 200 هزار كهسان بوون، كو دبیته 15.3%ێ یا ئاكنجییێن عیراقێ ئهوا ژمارا ئاكنجییێن وێ گههشتییه 40 ملیۆن و 200 هزار كهسان.
