ل هنده‌ك جهێن هەرێما كوردستانێ خەلكێ 24 ده‌مژمێران كارەب هەیە

وەزارەتا کارەبێ یا حکومەتا هەرێما کوردستانێ ئاشکرا کر” ل چەند جهێن هەرێما كوردستانێ ب رێیا سیستەمێ پریپەید کارەبا 24 ده‌مژمێری دایه‌ وه‌لاتییان.

ئەڤرۆ دوشەمبی 10/10/2022 ێ، وەزارەتا کارەبێ دیار كرییه‌: “ئەو هه‌ڤپشكێن ل  بازاڕێ لەنگە ل هەولێرێ و بازاڕێ دهۆکێ و ئەڤرۆ ستی ل دهۆکێ کرینە سیستەمێ پریپەید، 24 ده‌مژمێران کارەب هەیە”.

ئه‌و ژی گۆتییه‌” ل هەرێما کوردستانێ 6 هزار و 356 هه‌ڤپشكێن کارەبێ ب سیستەمێ پریپەید ڤه‌ هاتینه‌ بەستن و ئەکتیڤ کرن، ژ وان ژی:

بازاڕێ لەنگە ل هەولێرێ 1457 هه‌ڤپشك
بازارێ دهۆکێ 1524 هه‌ڤپشك
ئەڤرۆ ستی ل دهۆکێ 3385 هه‌ڤپشك

وەزارەتا کارەبێ دیا كر ژی: “ئەڤ سیستەمە زێده‌باری باشترکرنا ره‌وشا کارەبێ، بارگرانی ل سەر فیدەرێن کارەبێ ب رێژا 400% کێم دكه‌ت و کرێیا کارەبێ ژی ب ب هەمان بهایێ نوكه‌ یه”.