لیزا فه‌له‌كه‌دین كاكه‌یى: بریاربوو ئه‌ڤرۆ ل سلێمانییێ وه‌كو سه‌رۆككۆمار پێشوازى ل به‌رهه‌مى سالحى هاتباكرن

په‌رله‌مانتارا پارتی دیمۆكراتى كوردستان ل په‌رله‌مانێ كوردستانێ راگه‌هاند، مه‌كته‌با سیاسى یا ئێكه‌تییێ وه‌سا پلان دانابوو كو ئه‌ڤرۆ ل فرۆكه‌خانه‌یا سلێمانییێ وه‌كو سه‌رۆككومار پێشوازییێ ل به‌رهه‌م سالحى بكه‌ت.

لیزا فه‌له‌كه‌دین كاكه‌یى په‌رله‌مانتارا پارتى ل په‌رله‌مانێ كوردستانێ ل سه‌ر ئه‌كاونتێ خوه‌ یێ فه‌یسبۆكى ئاشكراكر، ل دووماهى كۆمبوونێن مه‌كته‌با سیاسى یێن ئێكه‌تییێ یێن تایبه‌ت ب ئێكلاكرنا كاندیدێ حزبێ  ڤه‌ بۆ پۆستێ سه‌رۆككۆمارى، بافل تاله‌بانى پشتراستى دابوو كو به‌رهه‌م سالح دێ وه‌كو سه‌رۆككومار هێته‌ هه‌لبژارتن و پشتراستییا ئه‌وى ب شێوه‌یه‌كى بوو، كو دووپاتكربوو رۆژا ئه‌ینییێ دێ دگه‌ل به‌رهه‌م سالحى ژ به‌غدا ڤه‌گه‌ریته‌ هه‌رێما كوردستانێ و وه‌ك سه‌رۆككۆمارێ عیراقێ پێشوازى لێ هێته‌كرن، و هه‌ر ل فرۆكه‌خانه‌یا نێڤده‌وله‌تى یا سلێمانییێ پرێسكۆنفرانسه‌كى سازكه‌ن.

لیزایێ گوت ژى : ئه‌ڤرۆ ئه‌ینییه‌ و مه‌كته‌با سیاسى یا ئێكه‌تییێ ل فرۆكه‌خانه‌یا سلێمانییێ چاڤه‌رێى هه‌وه‌یه‌ داكو پرێسكۆنفرانسه‌كى سازبكه‌ن و به‌حسا سه‌ركه‌ڤتنا ئیراده‌یا خوه‌ بكه‌ن.