<h3 style="text-align: justify;"><span style="font-size: 18pt;">جڤاتا وهزیرێن ههرێما كوردستانێ رهزامهندى ل سهر زێدهكرنا 100 هزار دیناران ل سهر مووچهیێ بهشهكێ فهرمانبهران دا.</span></h3> <h3 style="text-align: justify;"><span style="font-size: 18pt;">ل دووڤ نڤیسارهكا جڤاتا وهزیرێن ههرێما كوردستانێ كو ل 24ى چریا ئێكێ یا 2022ێ بۆ وهزارهتا دارایى هاتییه رهوانهكرن، رهزامهندى ل سهر زێدهكرنا 100 هزار دیناران ل سهر فهرمانبهرێن دهزگههێ گشتییێ مینان هاتییه دان، و مووچهیێ ئهوان ژ 425 هزار دیناران بۆ 525 هزاران هاته زێدهكرن، و ئهڤ زێدهكرنه پشتى ههمواركرنا رێنمایێن دارایى یێن كو ل سالا 2019ێ دهركهڤتین، هات.</span></h3> <h3 style="text-align: justify;"><span style="font-size: 18pt;">جهبار مستهفا سهرۆكێ دهزگههێ گشتییێ كاروبارێن مینان راگههاند، پشتى بزاڤهكا مهزن كوژمێ 100 هزار دیناران ل سهر مووچهیێ شۆفێرێن كێلگههێن مینان هاته زێدهكرن، سهربارى كو ئهو پاره ل ئاستێ داخوازییێن سهرۆكایهتییا دهزگههێ مینان نینه، لێ ژبهر قهیرانا دارایى یا نوكه هاتییه زێدهكرن، و ئهو سوپاسییا حكومهتا ههرێما كوردستانێ دكهن كو رهزامهندى ل سهر زێدهكرنا مووچهیى دایى.</span></h3>
