کۆمبوونێن پەرلەمانێ كوردستانێ دێ دەستپێکه‌نه‌ڤه‌

ئاژانسا خانی ، تایبەت:

بڕیارە ل چەند رۆژێن بهێن پەرلەمانێ کوردستانێ دەست ب کۆمبوونێن خوە بکەت و پەرلەمانتارەکێ فڕاکسیۆنا پارتی ژی ئاشکرا کر، ھژمارەکا پڕۆژە قانوونان لبەر دەستن و بڕیارە ژلایێ پەرلەمانێ کوردستانێ ڤە بھێنە پەسەند کرن.

وەیسی سەعید، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئاژانسا خانی دیار کر” بڕیارە د ده‌مه‌كێ نێزیک دا پەرلەمانێ کوردستانێ دەست ب کۆمبوونێن خوە بکەت و بەرھەڤی بۆ رێڤەچوونا کۆمبوونێن پەرلەمانی دھێتە کرن، چونکی ھژمارەکا پڕۆژە قانوونێن گرنگ لبەر دەستێ پەرلەمانێ کوردستانێ نە و کار بۆ پەسەند کرنا وان دھێتە کرن، ژوان ژی پڕۆژە قانوونێن پەروەردە و مافێ ئاژەلان و پڕۆژە قانوونا کاری و چەندین پڕۆژە قانوونێن دی ژی ھەنە.

ناڤهاتی گۆت ژی: ب پەسەندکرنا وان دێ مفایەکێ زۆر ھەبیت، ب تایبەتی پڕۆژە قانوونا پەروەردێ بۆ کەرتێ پەروەردێ گرنگیەکان زۆر ھەیە و راپۆرتا سێیێ بۆ دھێتە بەرھەڤکرن و ھەردو پڕۆژە قانوونێن دی ژی دێ راپۆرتێن دویێ ژلایێ لژنێن تایبەتمەندڤە بۆ بھێتە بەرھەڤکرن، ب ڤێ چەندێ دێ پەرلەمان کار بۆ ھەموو وان پڕۆژە قانوونان کەت یێن د بەرژەوەندییا گشتی و وەلاتییان.