ل عیراقێ رێژهیا بكارئینانا ماددهیێن هوشبهر ل دهڤ گهنجان رۆژ بۆ رۆژێ بهر ب زێدهبوونێ دچیت، و د 10 ههیڤێن دهستپێكێ یێن ئهڤ سالهدا پتر ژ 13 هزار كهسان ژبهر بازرگانیكرن و بكارئینانا ماددهیێن هوشبهر هاتینه دهستهسهركرن.
ل عیراقێ د 10 ههیڤێن دهستپێكێ یێن ئهڤسالهدا 13 هزار و 680 كهس ب تومهتا بازرگانیكرن و بكارئینانا ماددهیێن هوشبهر ل عیراقێ هاتینه دهستهسهركرن، و بتنێ دههیڤا چریا ئێكێ یا بووریدا ئێك هزار و 360 كهس هاتینه دهستهسهركرن، و نوكه رێژهیا 40%ێ یا گهنجێن عیراقێ ماددهیێن هوشبهر بكاردئینن و ل سالێن بهێن ئاریشهیێن زێدهتر دێ رووبروو ئهڤى وهلاتى بن.
رێڤهبهرییا گشتییا بهرهنگاربوونا ماددهیێن هوشبهر ل وهزارهتا نافخۆ یا عیراقێ دبێژیت: د ماوێ 10 ههیڤێن دهستپیكێ یێن ئهڤ سالهدا دهست ب سهر 360 كیلۆگرامێن ماددهیێن هوشبهر و 14 ملیۆن و 500 هزار حهبكێن بێهوشكهر دا هاتییه گرتن.
