دەرچوویەكا زانكۆیا سلێمانییێ ب رێیا پەیجەكێ فەیسبووكی پەیامەك بۆ وەزیرێ پەروەردێ یێ حكومەتا هەرێمێ هنارتییە و تێدا داخوازكرییە وێ بكەتە وانەبێژ.
د پەیاما وێ دەرچوویێ دا هاتییە، وێ خواندنا خوە ل زانكۆیا سلێمانییێ ب دۆماهیك ئینایە و نوكە خۆدان دوو زارۆكە كو ئێك ژ وان نەخۆشییا تەلاسیمیایێ هەیە و رەوشا وان یا دارایی نە یا باشە.
ئالان حەمە سەعید، وەزیرێ پەروەردێ یێ هەرێما كوردستانێ ژی د كۆمێنتەكێ دا ل سەر هەمان پۆست ل دویڤ گازییا وێ هاتە دەنگ و راگەهاند، ” دانانا مامۆستایێن وانەبێژ د دەستهەلاتا پەروەردەیان دایە، لێ ئەو یێ ئامادەیە ژ مووچەیێ خوە خزمەتا وێ بكەت و كرییا خانییێ وێ یێ چەند هەیڤان ب ستۆیێ خوەڤە بگریت و هندی د شیانێن وی دا بیت دێ هاریكارییا وێ كەت. “
