وەزارەتا دارایی جۆرێ ترۆمبێلان بۆ بەرپرسێن حکومەتێ دیار دكه‌ت و مەرجێن نوو ژی ده‌ردئێخیت

وەزارەتا دارایی و ئابووری یا هەرێما کوردستانێ دیار كر: گه‌له‌ك داخوازی ژ لایێ وەزارەت و فەرمانگەهێن حکومەتێ گه‌هشتینه‌ وان بۆ دابینکرنا ترۆمبێلان، بەلێ ئه‌و نه‌شێن وێ ژمارێ دابین بکەن، ل گەل هندێ ب هژمارەكا بڕیاران کڕینا ترۆمبێلان بۆ پلێن تایبەت و ریڤەبەرێن فەرمانگەهـ و سازییان سنووردار دكه‌ت. 

 ئێک ژ مەرجێن وەزارەتا دارایی بۆ کڕینا ترۆمبێلێن نوو ئه‌وه‌، دڤێت ترۆمبێلێن نوكه‌ 10 سالان هاتبنه‌ ب كار ئینان.

وەزارەتێ گۆتییه‌ ژی: لدووڤ بودجێ بەردەست و ل سەر بنه‌مایێ “پێدڤی و گرنگییا کار و چالاکییان و لدووڤ قووناغبەندییێ” دێ ترۆمبێلێن خزمەتگوزاری دابین كه‌ت.

هه‌روه‌سا بۆ پلێن وەزیران، بریكارێن وەزیر و شیره‌تكار و رێڤەبەرێن گشتی دێ ترۆمبێلین تۆیۆتا لاندكرۆزەر ئیستەیشین بن و بۆ جێگرێن رێڤەبەرێ گشتی تۆیۆتا فۆڕچنەر یان تۆیۆتا پرادۆ بن، بۆ رێڤەبەرێن فەرمانگەهان تۆیۆتا راڤ و بۆ خزمەتگوزارییان پیكاب دەبل كابینە .”