<h3 style="text-align: justify;"><span style="font-size: 18pt;">وهزیرێ نافخۆ یێ ههرێما كوردستانێ راگههاند، چاڤهرێیا وان ژ حكومهتا فیدرال ئهوه، دهست بجهئینانا ئهوى بهرنامهیێ سیاسى و حكومى بكهت، ئهوێ ژلایێ ههڤپهیمانییا برێڤهبرنا دهولهتێڤه رهزامهندى لسهر هاتییه دان، و هیڤییا وان ئهوه حكومهتا نوو یا راستگۆبیت و سوزێن خوه بجهبینیت.</span></h3> <h3 style="text-align: justify;"><span style="font-size: 18pt;">وهزیرێ نافخۆ یێ ههرێما كوردستانێ دیاركر هندى سهرۆكوهزیرێن عیراقێ محهمهد شیاع سوودانى پابهندى سوز و رێككهڤتنێن دناڤبهرا لایهنێن سیاسیدا بیت، حكومهتا ههرێما كوردستانێ دێ پشتهڤانییا وى كهت.</span></h3> <h3 style="text-align: justify;"><span style="font-size: 18pt;">ژچارچووڤێ پانێلێ ( پاشهرۆژا عیراقێ ) ل رۆژا سێیێ یا كوربهندێ ئاشتى و ئاسایشا رۆژههلاتا ناڤهراست ل زانكۆیا ئهمریكى كوردستان ل دهۆكێ، رێبهر ئهحمهد وهزیرێ نافخۆ یێ ههرێما كوردستانێ دیاركر، ئهو چ وهكو وهلاتییێن عیراقێ و چ وهكو ههرێما كوردستانێ و ههموو ئهو حزبێن سیاسیى یێن د پرۆسهیا سیاسیدا د پشكدار، چاڤهرێیا وان ژ حكومهتێ ئهوه، ئهوا رێككهڤتن لسهر هاتییه كرن بجهبینیت، و دهست بجهئینانا ئهوى بهرنامهیێ سیاسى و حكومى بكهت، یێ كو لایهنێن ههڤپهیمانییا ئیدارهیا حكومرانییێ ل عیراقێ رهزامهندى لسهر داى.</span></h3> <h3 style="text-align: justify;"><span style="font-size: 18pt;">ل دووڤ دیتنا وهزیرێ نافخۆ یێ ههرێما كوردستانێ و ئهندامێ كۆمیتهیا ناڤهندییا پارتى دیموكراتى كوردستان، عیراق ژلایێ ژێدهرێن مرۆڤى و سرۆشتیڤه وهلاتهكێ دهولهمهنده، پێدڤییه ئیدارهیهكا باش بۆ ئهوان ژێدهران ههبیت، ژبهركو ههموو تشت ل عیراقێ ههنه و بتنێ ئیدارهیهكا باش یا ژێ كێمه.</span></h3>
