ئه‌مه‌ریكا پشتەڤانییا خۆ وەک هەڤپشکەکا ستراتیژی یا عیراقێ دوپاتکر و تەکەزیێ لسەر مانا هێزێن خۆ ل عیراقێ دکەت بۆ پشتەڤانیکرنا هێزێن لەشکەری یێن عیراقێ د شەرێ وان یێ بەردەوام دا بۆ شکاندنا داعش.
د چوارچوڤێ دیدارا سالانە یا گوتوبێژێن مه‌نامه ل به‌حرین، كۆلین كاهل، هاریکارێ وه‌زیرێ بەرەڤانییا ئه‌مه‌ریكا بۆ كاروبارێن سیاسی، برێت مه‌كگۆرك، رێكخه‌رێ كۆشكا سپی بۆ كاروبارێن رۆژهه‌ڵاتا ناڤەڕاست و باربارا لیف، هاریکارا وه‌زیرێ ده‌رڤە یێ ئه‌مه‌ریكا بۆ كاروبارێن رۆژهه‌ڵاتا ناڤەڕاست، د‌گه‌ڵ فوئاد حوسێن، وه‌زیرێ ده‌رڤە یێ عیراقێ کۆمبوون.
د کۆمبوونێ دا، شاندێ ئەمریکا تەکەزی لسەر پابەندبوونا ئەمریکا وەک هەڤپشکەکا ستراتیژی دگەل عیراقی کر، هەروەسا پێگیربوونا خۆ بۆ هێلانا وان هێزێن ئەمریکا یێن کو ل عیراقێ ماین، بۆ پشتەڤانیکرنا هێزێن ئەمنی یێن عیراقێ د شەڕێ بەردەوامدا بۆ ژناڤبرنا داعش دوپاتکر.
