وەزیرێ نافخۆ یێ تورکیا: پەکەکە سەر ب دەزگەهێ هەوالگیری یێ ئەمریکا ڤەیە

ژ ئەگەرێ پەقینا جاددەیا ئیستیقلال ل ستەنبۆلێ، پەیوەندییێن تورکیا و ئەمریکا بەرەڤ ئالۆزییێن زێدەتر دچن، ئاستێ ئالۆزییێن هەردوو وەلاتان ل دەمی دیاربوون، ل دەمێ سولەیمان سۆیلو، وەزیرێ نافخۆ یێ تورکیا، پرسە و سەرەخوشییێن باڵیۆزێ ئەمریکا ل ئەنقەرە رەتکرین.

سەرەڕای رەتکرنا هەبوونا پەیوەندییێن پەکەکێ ب پەقینێ ڤە، سولەیمان سۆیلو، وەزیرێ نافخۆ یێ تورکیا د دوماهیک کارڤەدانا خۆ دا ڕاگەهاند، ئەمریکا پەیوەندی دگەل پەکەکێ و پەیەدێ و هێزێن کوردی یێن ڕۆژئاڤایێ کوردستانێ دا هەنە.

سولەیمان سۆیلو، وەزیری نافخۆ یێ تورکیا ڕاگەهاند، پەکەکە سەر ب دەزگەهێ هەواڵگیری یێ ئەمه‌ریکا ڤەیە، د هەمان دەم دا هەدەپە ژی ئاراستەیێ سیاسی یێ پەکەکێ یە.

گوتژی: “پشتی پەقینا ستەنبۆڵێ باڵیۆزی ئەمریکا ل ئەنقەرە ڕاستەوخۆ ڕاگەهاندنەک بەڵاڤکر، پاشی ڕاگەهاندن ب مەزلۆم عەبدی ژی دا بەڵاڤکن کو باشترین زەڵامێ ئەوانە، دوماهی جار هەپەگێ ژی ب هەما شێوەی، چ گوت؟ مە دەست د ڤی کاری دا نینە، هندەک کەسان ژی باوەر ژ وان داخویانییان کر، ئەڤە یارییەکە و بزاڤ دهێنە کرن تورکیا بهێتە سەردا برن.”

دەمژمێر 4:20 خوله‌كی ئێڤاریا رۆژا 13 ڤێ مەهێ ، پەقینەکێ جاددەیا ئیستقلال یا سته‌نبوڵێ هه‌ژاند، دڤێ دەربارێ دا عه‌لی یه‌رلیكایه‌ والیێ سته‌نبوڵێ، ڕاگەهاند، ژ ئەگەرێ پەقینێ، 6 كه‌س هاتینە كوشتن و 53 كه‌سێن دی ژی برینداربوون.

پێشتر ژی وەزیرێ نافخۆ یێ تورکیا ڕاگەهاندبوو، ئەنجامدەرێن پەقینا جاددەیا  ئیستقلال یا ستانبوڵێ هاتینە دەستەسەرکرن و بڕیارا پەقینێ ژی ژ کۆبانێ هاتیەو دان.

ئاماژه‌ کریە ژی: “ل گۆرەی ڤەکۆلینان، ئەنجامدەرا پەقینێ ل عەفرینێ هاتیە دناڤ ئاخا تورکیا دا و بڕیارا پەقینێ ژی ژ کۆبانێ هاتیە دان.