بالیۆزا ئه‌مریكا ل عیراقێ بۆ ئیرانێ : دڤێت ئه‌ڤان هێرشێن بێ بنه‌ما ب راوه‌ستینن

بالیۆزا ئه‌مریكا ل عیراقێ په‌یامه‌ك ل دۆر هێرشێن ئیرانێ بۆ سه‌ر باره‌گا و بنگه‌هێن حزبێن رۆژهه‌لاتا كوردستانێ ل هه‌رێما كوردستانێ به‌لاڤكر و تێدا داخوازكر، ئه‌ڤ هێرشه‌ بهێنه‌ راوه‌ستاندن.

د په‌یاما بالیۆزا ئه‌مریكا ل عیراقێ ئه‌لینا رومانوسكیدا هاتییه‌، ل شه‌ڤا بوورى پێشلكارییه‌كا دى یا سه‌روه‌رییا عیراقێ ژلایێ ئیرانێڤه‌ هاته‌ دیتن، هێرشێن مووشه‌كى و درۆنێن ئیرانێ ژیانا وه‌لاتییێن مه‌ده‌نى یێن بێ تاوان دئێخیته‌ مه‌ترسییێ و دبنه‌ ئه‌گه‌رێ وێرانكرنا ژێرخانه‌یا عیراقێ.

بالیۆزا ئه‌مریكا ل عیراقێ دبه‌شه‌كێ دى یێ په‌یاما خوه‌دا راگه‌هاند، دڤێت ئه‌ڤ هێرشێن بێ بنه‌ما بۆ سه‌ر هه‌رێما كوردستانێ بهێنه‌ راوه‌ستاندن.