پارتی و ئێکەتی ل سەر وەزارەتەکێ نەگەھشتینە رێکكەفتنێ

ئاژانسا خانی ، تایبەت:

پەرلەمانتارەکا پارتی ل پەرلەمانێ عێراقێ ئاشکرا کر، ناکۆکی ل سەر وەزارەتەکا پشکا کوردان ھەیە و دبێژیت، ئەم وەکی پارتی ب مافێ خوە دزانین، بەلێ ئێکەتی ژی داخواز دکەت.

یادگار مەحموود، پەرلەمانتارا پارتی بۆ ئاژانسا خانی دیار کر” ھەموو وەزارەتێن حوکمەتا نوو یا عێراقێ ھاتینە ئێکلا کرن و ب سەر لایەنێن سیاسی ھاتینە بەلاڤکرن، بەلێ وەزارەتەک مایە و پشکا کوردانە و دناڤا کوردان ژی مافێ پارتی دیموکراتی کوردستانە، بەلێ ئێکەتی ژی ھەر داخوازا وێ وەزارەتێ دکەت و ھێشتا نەگەھشتینە رێکكەفتنێ.

ناڤهاتییێ گۆت ژی:” ناکۆکیێن ل سەر وێ وەزارەتێ بووینە ئەگەر ھەتا نوکە نەھاتییە ئێکلا کرن، لدووڤ زانیارییان یا دیار نینە دێ کەنگی پۆستێ وێ وەزارەتێ ھێتە پرکرن و وەزیر ھێتە دانان، بەلێ ئەز باوەرم پشکا پارتییە و دێ پارتی کەسەکی بەربژار کەت بۆ وەرگرتنا وەزارەتا چارێ یا کوردان.