ئەڤرۆ ل قوتابخانەکا سنوورێ پەروەردا پارێزگهها هەولێرێ و ل سەر فەرمانا وەزیرێ پەروەردێ ب ئهڤى شێوهیى قوتابى ڕاوهستییان بۆ ڕێزگرتن ل گیانێ قوربانییێن پهقینا غازێ ل پارێزگهها دهۆكێ.
د. ئالان حەمە سەعید، وەزیرێ پەروەردا هەرێما کوردستانێ ل قوتابخانهكا پارێزگهها ههولێرێ ئامادهبوو و پشتى ڕاوهستییان بۆ گیانێ قوربانییان د پهیڤهكێدا ڕاگههاند، بۆ ڕێزگرتن ل گیانێ قوربانییێن پهقینا غازێ ل پارێزگهها دهۆكێ ئهڤرۆ ل ههمى قوتابخانهییێن ههرێما كوردستانێ ماتهمیینیه، ژبلى پرس و سهرهخۆشییان بۆ كهسوكارێن قوربانییان، حكومهتا ههرێما كوردستانێ دهست ب رێكاران بۆ پێداچوون ب سیستهمێ غازێ كرییه ژبهركو د حهفتییهكێدا دوو ڕوودانێن جهرگههژین ل كوردستانێ ڕوودان.
د. ئالان حەمە سەعید گۆت: ئهو سیستهمێ غازێ ل دهۆكێ پهقى یێ فڕنهكێ بوو كو بهشێ ناڤخۆى ل سهردا بوو و 56 قوتابى تێدابوون، ژ ئهنجامێ ئهڤان دوو ڕوودانێن دهۆكێ و سلێمانییێ حكومهتا ههرێما كوردستانێ ههر ل دوهى كۆمبوونهك ئهنجامدا و ئهڤرۆ دێ تهوهرهكێ كۆمبوونا جڤاتا وهزیران تایبهت بیت لدۆر ئهڤێ پرسێ.
