سه‌رۆكێ حكومه‌تێ بریاردا رێكێ ببه‌ته‌ گوندێ خدرجیجه

ئومید خوشناو پارێزگارێ هه‌ولێرێ راگه‌هاند، لسه‌ر فه‌رمانا مه‌سرور بارزانى سه‌رۆكێ حكومه‌تا هه‌رێما كوردستانێ، رازیبوون لسه‌ر ته‌رخانكرن و مه‌زاختنا كوژمێ 5 ملیار دیناران بۆ بجهئینانا پرۆژێ درستكرنا رێكا گوندێ(خدرجیجه) دا.
پرۆژێ دروستكرنا رێكا گوندێ خدرجیجه‌، ئێكه‌ ژ وان پرۆژێن ستراتیجى یین حكومه‌تا هه‌رێمێ، ژبلى هندێ كو دێ مفاى گه‌هینته‌ خه‌لكێ گوندى، هه‌مى گوندێن دى یێن ده‌ڤه‌رێ پێكڤه‌ گرێدده‌ت.
گوندێ خدرجیجه ئه‌و گو‌نده‌ یێ ل سالا بوورى وه‌ك ئه‌ڤرۆ داعشێ هێرش كریه‌ سه‌ر خه‌لكێ سڤیل و د ئه‌نجامدا 13 وه‌لاتى شه‌هید بووین و دگه‌ل برینداربوونا 5 پێشمه‌رگان، كو سێ ژ وان كه‌سان ئه‌ندامێن ئێک خێزان بوون و مەسرور بارزانی سەرەدانا وان کربوو.