هێزێن ئه‌منى یێن سوید، په‌نابه‌ره‌كێ سیاسى یێ كورد راده‌ستى توركیا كر، كو تاوانباره ب ئه‌ندامبوون دگه‌ل رێزێن په‌كه‌كێ.
ئاژانسا ئه‌نادۆل به‌لاڤكریه، په‌نابه‌ره‌كێ سیاسى ب ناڤێ محه‌مه‌د تات، كو ته‌مه‌نێ وى 20 سالن ژ لایێ هێزێن ئه‌منى یێن سویدێ ڤه ره‌وانى توركیا كریه و ژ لایێ هێزێن ئه‌منى یێن توركیاڤه هاتیه ده‌سته‌سه‌ركرن.
لدویڤ زانیاریێن تاوانبارى، ئه‌و كورده و تاوانباره ب ئه‌ندامبوون دگه‌ل رێزێن پارتا كرێكارێن كوردستانێ(په‌كه‌كه)، به‌رى نوكه ژ لایێ حكومه‌تا توركیا سزایێ زیندانیكرنا شه‌ش سال و 10 مه‌هان لسه‌ر سه‌پاند بوو، ژ به‌ر وێ چه‌ندێ ل سالا 2015 توركیا هێلایه و چویه وه‌لاتێ سویدێ، و داخوازا مافێ په‌نابه‌ریێ ژێ كریه و حكومه‌تا سوید ئه‌ڤ مافه نه‌دایێ.
