مهسرور بارزانی، سەرۆکێ حکومەتا هەرێما کوردستانێ دەربارەی هێرشکرنا سەر جووتیارێن کورد ل سنوورێ قەزایا داقووق یا سەر ب پارێزگەها کەرکووکێ ڤە پەیامەک بەلاڤکر.
د پەیاما سەرۆکێ حکومەتا هەرێما کوردستانێ دا هاتیە:” ئەڤ رەفتارە ل دژی بنەمایێن پێکڤە ژیان و ئاشتییێ و بەندێن ماددێ 140 یێ دەستوورییێ هەردەم یێ عیراقێ نە و پێدڤییە سازییێن پەیوەندیدار یێن حکومەتا فیدڕال، سنوورەکی بۆ ڤان پێشلکاریان بدانن.”
دەقێ پەیامێ:
هێرشکرنا سەر جووتیارێن کورد ل سنوورێ قەزا داقووق یا سەر ب پارێزگەها کەرکووکێ ڤە، جهێ دلگرانیێ یە، داخواز ژ بەرێزان سەرۆککۆمارێ عیراقێ و سەرۆکوەزیران و سەرۆکێ جڤاتا نوینەرێن فیدڕال دکەم بلەز دوماهیێ ب هێرش و دەستدرێژیکرنا سەر جووتیارێن کورد ل سنوورێ داقووق و دەڤەرێن دی یێن کەرکووکێ بینن، کو ژ لایێ کەسێن ژ دەستدەرکەفتی دهێنە ئەنجامدان و ب شێوەیەکێ نە یاسای بزاڤێن دەرئێخستنا کوردان و دەست ب سەردا گرتنا زەڤییێن وان دکەن.
ئەڤ رەفتارە ل دژی بنەمایێن پێکڤە ژیان و ئاشتییێ و بەندێن ماددێ 140 یێ دەستوورییێ هەردەم یێ عیراقێ نە و پێدڤییە سازییێن پەیوەندیدار یێن حکومەتا فیدڕال، سنوورەکی بۆ ڤان پێشلکاریان بدانن.
