خه‌دیجه‌ عومه‌ر: پەرلەمانێ کوردستانێ دێ کۆم بیت

ئاژانسا خانی ، تایبەت:

پەرلەمانتارەکا فڕاکسیۆنا پارتی ل پەرلەمانێ کوردستانێ ئاشکرا کر، ل چەند رۆژێن بهێت پەرلەمان دێ دەست ب کۆمبوونێن خوە کەت و ھژمارەکا پڕۆژە قانوونێن گرنگ ھاتینە پەرلەمانی بۆ پەسەندکرنێ.

خەدیجە عومەر، زێده‌تر بۆ ئاژانسا خانی دیارکر” پەرلەمان دێ بەردەوام بیت ل سەر رێڤەبرنا کۆمبوونێن خوە، بڕیارە ل چەند رۆژێن بهێت جارەکا دی پەرلەمانێ کوردستانێ دەست ب کۆمبوونێن خوە بکەتەڤە، ئەو زانیاری یێن بەحسێ راگرتنا کۆمبوونێن پەرلەمانی دکەن چو راستی بۆ نینە، چونکی پەرلەمانی چو ئاریشە نینن ھەتا کۆمبوون بھێنە راگرتن.

ناڤهاتییێ گۆت ژی: ھژمارەکا پڕۆژە قانوونان گەھشتینە پەرلەمانی و بڕیارە د کۆمبوونێن داھاتی خواندنا ئێکێ بۆ بھێتە کرن” ژوان ژی پڕۆژە قانوونا کاری و چەندین پڕۆژە قانوونێن دی، ھێشتا دەمێ پەرلەمانی ساله‌ك مایە و بڕیارە چەندین قانوونێن گرنگ بھێنە دەرکرن و ل داھاتی دێ ھەموو کەڤنە ناڤا کارناما کۆمبوونێن پەرلەمانی.