وەزارەتا نافخۆ یا عیراقێ راگەهاند، ل سەر فەرمانا سەرۆكوەزیرێن عیراقێ وان دەست ب ڤەكێشانا سۆپای ل ناڤا باژێرێن واست، دیوانیە و موسەننا كر و دۆسەیا ئەمنی یا وی باژێری رادەستی پۆلیسێن نافخۆ كر.
لیوا تەحسین خەفاجی، پەیڤدارێ فەرماندێ ئۆپەراسیۆنێن هەڤپشك یێن عیراقێ راگەهاند، لایەنێن ئەمنی و سەربازی د چارچووڤێ خشتەیەكێ زەمەنی دا دێ دۆسەیا ئەمنی یا وان باژێران رادەستی هێزێن نافخۆ كەن و دێ ب پلان دەست ب ڤەكێشانێ كەن. سۆپایێ عیراقێ ژی دێ ل سنۆرێ پارێزگەهان مینیت و سەربازگەهان دانیت بۆ رووبرووبوونا هەر رەوشەكا نەخواستی.
