جهژنا ڕۆژيێن ئێزى ل ڕێزدار ميرێ ئێزديان و بابهشێخ و جڤاتا ڕووحانى و ههموو خوشك و برايێن ئێزدى ل كوردستانێ و عيراقێ و ل ههر دهرهكا جيهانێ بن، ژ دل و ب گهرمى پيرۆز دكهم، هيڤيدارم جهژن و بێهنڤهدانا خوه د رهوشهكا تهنا و ئارامدا دهربازبكهن و جهژن و بيرهاتنێن بهێن، ژبۆ مه ههموويان د رهوشهكا باشتردا ڤهگهرن.
مخابن جهژنهكا دى يا خوشك و برايێن مه يێن ئێزدى ڤهدگهريت كو هێشتا هژمارهكا مهزنا وان ئاوارانه و ژيانا زهحمهتا كهمپان دژين، دلێ مه دگهل وانه و ئهم ژ نێزيك ئاگههدارى رهوش و ژيارا وانين، پيرۆزباهييهكا تايبهت ل وان ههموویان دكهم.
ههروهسا ب هزاران خوشك و برايێن مه یێن ئێزدى، ب دلهكێ كۆڤاندار ل هيڤيیا زانينا چارهنڤيسێ كهسوكارێن خۆ يێن ڕهڤاندينه، ب ڤێ ههلكهڤتێ، ئهم ديسا ههموو خوشك برايێن خۆ يێن ئێزدى پشتڕاست دكهين كو ههتا دووماهيیێ دێ ل سهر كار و بزاڤێن خوه يێن رزگاركرن و دياركرنا چارهنڤيسێ ڕهڤانديبان بهردهوام بين.
جهژن ل ههموويان پيرۆز بيت، ههر سال ب خێر و خۆشى.
