کارەبا گوندێ ئورە هاتە چارەسەرکرن

پشتی ژ ئەنجامێ شەر وئالوزیێن دەڤەرێ و تۆپبارانکرنا گوندێ سنورێ ناحییا کانی ماسێ کارەبا چه‌ند گوندێن وێ ده‌ڤه‌رێ هاتییە برین، تیمێن سەخبێرییا کانی ماسێ شیان کارەبا وان گوندان سەخبێر بکەن و کارەبێ بۆ ڤەگەرینن.

ئەندازیار ئارام جلال رێڤەبەرێ بەلاڤکرنا کارەبا قەزا ئامێديیێ بۆ ئاژانسا خانی دیارکر، ژ ئەنجامێ شەر و ئالوزیان و تۆپبارانکرنێ فیدەرێ ئاستەنگێ ل نێزیكى گوندێ سەرەورو دشێشێ هێلا 11 کەیڤی ژ کارکەفتبوو و کاڕەب ل چەند گوندێن دەڤەرێ هاتبوو برین و گۆت : هەر دووهی کارەبا دوو گوندێن ناڤبری هاتە چارەسەرکرن و کارەب بۆ وان  گوندان هاته‌ ڤه‌گه‌راندن.

و دیارکر، ژ بۆ پارستنا گیانێ فەرمانبەر و کارمەندان دووهی رێک ب ستافێ وان نەهاتەدان تا پشتا گوندێ سەرەرو بچن داکو ئاریشێ ب تمامی چارەسەربکەن، ژ بەر وێ چه‌ندێ کارەبا گوندێ ئورە نەهاتبوو چارەسەرکرن، لێ ب سوپاسیڤە هەر ئەڤرۆ تیمێن سەخبێرییا کانی ماسێ شیان بچنە وێ دەڤەرێ و کارەبا گوندێ ئورە ژی هاتە سەخبێرکرن و کارەب بۆ وی گوندی هاتە ڤەگەراندن.

ناڤهاتی دەستخۆشی ل تیما کانی ماسێ کر، كو سه‌ربارى مەترسییا توپبارانێ شیا ئەرکێ خوە یێ گران بجهبینیت و بەردەوام د خزمەتا وەلاتیێن دەڤەرێدابیت.