ئهڤرۆ ئێكشەمبی 18 ی كانوونا ئێكێ 2022 ێ” ل سەلاحەدین سەرۆك مەسعود بارزانی پێشوازی ل نی ڕووچی كونسولێ گشتی یێ چینێ ل هەولێرێ كر كو ب ههلكهفتا ب دووماهی هاتنا ئەركێن وی و مالئاڤاهییێ سەرهدانا سەرۆك بارزانی كربوو.
كونسولێ گشتی یێ چینێ پیرۆزباهییا سەركەفتنا كۆنگرێ 14 یێ پارتی دیموكراتی كوردستان ل سەرۆك بارزانی كر و زێدهباری ئاماژەدانێ ب ڕۆلێ بارزانییێ نەمر و سەركردێ مەزنێ چینێ ماو تسێ دونگ د ئاڤاكرنا بناغێ پەیوەندی یێن مێژوویی یێن دناڤبهرا گەلێ چینێ و گەلێ كوردستانێ ل سەدێ بیستێ، هیڤی خواست كو پەیوەندی یێن دناڤبهرا هەردو ئالییان ل قۆناغا بهێت د بیاڤێن جۆدا دا بهرهف پێشڤه بچن.
ههروهسا كونسولێ گشتی یێ چینێ سەرۆك بارزانی ژ بزاڤ و ئارمانجێن كۆمپانی یێن چینی د بیاڤێ گهشتوگۆزاری دا ل عێراقێ و هەرێما كوردستانێ ئاگههدار كر. هەروەسا بهحسێ ڤهكرنا پشكا زمانێ كوردی ل زانكۆیەكا پەكین كر وەكو بزاڤهك بۆ ب هێزكرنا پەیوەندی یێن دناڤبهرا چینێ و گەلێ كوردستانێ.
سەرۆك بارزانی سوپاسییا كونسولێ گشتی یێ چینێ كر” كو ل ماوێ چەند سالێن بوی دا گهلهك بزاڤ بۆ پێشخستنا پەیوەندی یێن دناڤبهرا هەرێما كوردستانێ و وهلاتێ چینێ دایە و تهكهز ل گرنگییا بهرفرههبوونا پەیوەندی و دۆستایەتییا دناڤبهرا گەلێ كوردستانێ و گەلێ چینێ كرییە.
هەروەسا سەرۆك بارزانی دەستخۆشی ل ڤهكرنا پشكا زمانێ كوردی ل زانكۆیەكا پەكین كر و ب پێنگاڤهكا گرنگ و مێژوویی ل قەاەم دا.
