ئەڤرۆ پهرلهمانێ كوردستانێ لژنا شەھیدان و وەزیرێ شەھیدان و ئەنفالکرییان گازی کرینە پەرلەمانی و سەرۆکا لیژنا شەھیدان ژی دبێژیت، مە داخواز کرییە ئاریشێن کەس و کارێن شەھیدان بھێنە چارەسەر کرن و مینحەیێ وان کەسێن ل پرۆسا ئەنفالێ رزگاربووین بھێتە ڤەگەڕاندن.
سەوسەن گەردی، سەرۆکا لژنا شەھیدان ل پەرلەمانێ کوردستانێ بۆ ئاژانسا خانی دیارکر” ئەڤرۆ لژنا شەھید و ئەنفاکرییان کۆمبوویه و تێدا وەزیرێ شەھیدان ژی بەرھەڤی کۆمبوونا لژنا پەرلەمانی کر، د کۆمبوونێ دا مە چەندین گازندێن کەس و کارێن شەھیدان گەھاندنە وەزیرێ شەھیدان ژوان ژی بڕینا مینحهیێ رزگاربوویێن ئەنفالێ و دامەزراندنا کەس و کارێن شەھید و ئەنفالکرییان ھاتە کرن، ھەروەسا چەندین گازندە و ئاریشێن دی مە گەھاندینە وەزیری ب مەرەما چارەسەر کرنێ.
ناڤهاتییێ گۆت ژی” بڕیاربوو ١١ ھزار پارچێن ئەردی ل سەر کەس و کارێن شەھیدان و زیندانیێن سیاسی بھێنە بەلاڤ کرن و ھاتینە راگرتن، ئەم دێ ھەموو بزاڤان کەین دگەل حوکمەتێ بۆ بەلاڤکرنا پارچێن ئەردی ل سەر کەس و کارێن شەھید و ئەنفالکرییان و زیندانیێن سیاسی ل ھەرێما کوردستانێ.
