مێسى ریكۆرده‌كا كریستیانۆى شكاند

پشتی شەڤا بووری ھەلبژارتییێ ئەرجەنتینێ شیای ب پەنەلتییان سەرکەڤتنێ ل سەر ھەلبژارتییێ فرەنسا تۆمار بکەت ب چار گۆلان بەرامبەر دوو گۆلان، لیۆنێل مێسی کاپتنێ ھەلبژارتییێ ئەرجەنتین شیا بۆ جارا ئێکێ د کاروانێ خوه‌ دا، ناسناڤێ مۆندیالێ بلند بکەت.

ھەر ب وێ ھەلکەڤتێ لیۆنێل مێسی شیا ریکۆردا ب دەستڤەبرنا رێژا پترین لایکان کو پێشتر ب ناڤێ کریستیانو رۆنالدو یێ پرتوگالی بوو بشکێنیت، كو سترا پرتوگالی کریستیانو رۆنالدو شیابوو ب ئێک پۆست ل تۆرا جڤاکی یا ئینستگرامی زێدەتری 40 ملیۆن لایکان ب دەستڤە ببه‌ت، لێ دگەل سەرکەڤتنا شڤێدی یا ئەرجەنتینێ، قارەمانێ موندیالا 2022 لیۆنێل مێسی شیا بۆ ده‌مێ کێمتر ژ 24 دەمژمێران ریكۆردا رۆنالدوی بشکێنیت و ب ئێک پۆستێ تۆرا جڤاکی یا ئنستگرامی، زێدەتری 42 ملیۆن لایکان ب دەستڤە ببه‌ت، ب شکاندنا ئه‌ڤێ ریكۆردێ لیۆنێل مێسی دبیتە کەسێ ئێکێ یێ ب دەستڤە برنا پترین رێژا لایکان ل سەرانسەری جیھانێ.