پارێزگارێ دهۆكێ به‌رێ بنیاتى بۆ پرۆژێ رووناهیكرنا جادا دووسایدى ژ ئاكرێ هه‌تا زالگه‌هێ دانا

ب به‌رهه‌ڤبوونا پارێزگارێ دهۆكێ  و ده‌ڤه‌ردارێ ئاكرێ ب وه‌كاله‌ت به‌رێ بنیاتى بۆ پرۆژێ رووناهیكرنا جووت سایدێ سه‌ره‌كییێ به‌رامبه‌ر كۆلیژا په‌روه‌ردێ ل ئاكرێ هه‌تا دگه‌هیته‌ زالگه‌ها ئاكرێ هاته‌ دانان.

راگه‌هاندنا پارێزگه‌ها دهۆكێ دیاركر، د.عه‌لى ته‌ته‌ر پارێزگارێ دهۆكێ و ده‌ڤه‌ردارێ ئاكرێ ب وه‌كاله‌ت و چه‌ند به‌رپرسێن ئیدارى و په‌رله‌مانتاران، به‌رێ بنیاتى بر پرۆژێ رووناهیكرنا جووت سایدێ سه‌ره‌كییێ به‌رامبه‌ر كولیژا په‌روه‌ردێ ل ئاكرێ هه‌تا دگه‌هیته‌ زالگه‌ها ئاكرێ دانا.

پارێزگارێ دهۆكێ ته‌كه‌ز ل كۆمپانیا جێب‌جێكار كر، كو پرۆژه‌ى ل دووڤ پیڤه‌رێن ئه‌ندازیارى و ب كوالیتییه‌كا باش بجهبینیت.

پرۆژێ ناڤبرى و دگه‌ل پرۆژێ رێكخستنا كێڤلێن وێزگه‌ها كاره‌بێ یا (132) KV ل ده‌ڤه‌را ناڤبرى ب كوژمێ (621) ملیون دیناران ل سه‌ر بودجا حكومه‌تا هه‌رێما كوردستانێ دهێته‌ بجهئینان.