رێڤهبهرییا پۆلیسێن ههرێما كوردستانێ ئامارێن رێڤهبهرییێن پۆلیسێن بهرهڤانییا شارستانى یێن پارێزگههـ و ئیدارهیێن سهربهخۆ، پۆلیسێن دارستانان، ژینگههـ و لێكۆلینا بهلگهیێن تاوانان ل سالا 2022ێ بهلاڤكرن و راگههاند، 455 روودانێن كوشتنا ئهنقهست، ب خهلهتیڤه و خوه كوشتنێ ل ههرێما كوردستانێ هاتینه تۆماركرن و نێزیكى ههشت هزار كهیسێن فێلكرنێ هاتینه ئێكلاكرن.
كارزان ئهمیر پهیڤدارێ رێڤهبهرییا گشتییا پۆلیسێن ههرێما كوردستانێ دپرێسكۆنفرانسهكیدا ئامار و كار و چالاكییێن رێڤهبهرییا ناڤبرى ل سالا 2022ێ بهلاڤكرن و دیاركر، دهست ب سهر ئێك هزار و 373 چهكێن بێ مۆلهتدا هاتییه گرتن.
كارزان ئهمیرى گوت: ل سالا 2022ێ ل ههرێما كوردستانێ 183 روودانێن كوشتنا ب ئهنقهست، 32 روودانێن كوشتنا ب خهلهتیڤه و 240 روودانێن خوه كوشتنێ هاتینه تۆماركرن، ههروهسا پێنج هزار و 931 روودانێن دزیكرنێ و دوو هزار و 576 كهیسێن خراب بكارئینانا ئامیرێن پهیوهندیییان ل ههرێما كوردستانێ هاتینه تۆماركرن، و ئێك هزار و 398 روودانێن سهختهكارى و حهفت هزار و 991 كهیسێن فێلكرنێ هاتینه تۆماركرن.
ئاماژه ب هندێ ژیدا، 115 ئافرهتێن فال ڤهكهر و 324 كهس ب تۆمهتا ماددهیێن هوشبهر هاتینه دهستهسهركرن، و 212 روودانێن تهقهكرنێ ل سالا بوورى ههبوون، ههروهسا پێنج هزار و 206 سكالا ژبهر گهفكرنێ و پێنج هزار و 641 روودانێن شهركرنێ هاتینه تۆماركرن.
ژلایهكێ دیڤه ئاشكراكر، ل سالا بوورى ل دووڤ ئامارێن پۆلیسان ل كوردستانێ 207 كهس سووتینه و 56 كهسان خوه سووتییه و 807 كهسان ژى ژ دهرڤهى دادگههێ ژنا دووێ ئینایه.
