فەرمانگەها میدیا و زانیاری یا حكومەتا هەرێما كوردستانێ ئەڤرۆ ڕاگەهاند، لدووڤ ئامارێن وەزارەتا سامانێن سرۆشتی هەتا نوكە 231 هزار و 958 خێزان د پرۆسا دابەشکرنا گازا سپی د مفاداربوون ئانكو 47 ملیۆن و 57 هزار و 600 لترێن گازا سپی ل هەرێما كوردستانێ هاتینە دابەشكرن و پرۆسا دابەشكرنێ یا بەردەوامە.
لدووڤ ئامارێن وەزارەتا سامانێن سرۆشتی، ل سنوورێ پارێزگەها دهۆكێ، 12 ملیۆن و 564 هزار و 800 لترێن گازا سپی هاتینە دابەشكرن و 59 هزار و 470 خێزان د مفاداربوون.
فەرمانگەها میدیا و زانیاری دیاركر، حکومەتا هەرێما کوردستانێ، كۆژمێ 70 ملیار دینار بۆ کرینا گازا سپی دابینكرینە و ب شێوەكێ تەندەر 320 هزار بەرمیل ب بهایێ 284 هزار دیناران بۆ هەر بەرمیلەكێ دابینکرینە. هەروەسا ب پشتەڤانیا حکومەتێ بۆ بهایێ هەر بەرمیلەكی دگەهیتە 65% و وەلاتی بتنێ ژ 35% بهایی ددەن.
