ژ ئەگەرێ بلندبوونا بهایێ گازێ بكارئینانا سۆپا دارا دناڤ باژێرێ سلێمانییێدا زێدەبوویە و لدووڤ ئامارێن پارێزگەها سلێمانییێ د ئەڤ سالەدا بكارئینانا سۆپان دووجاران هندی سالا بووری زێدەبوویە.
دار فرۆشیارەك ل سلێمانییێ دیاردكەت، دوو سالە وەلاتی دناڤ باژێریدا سۆپێن دارا بكاردئینن، ژبەر ئەڤێ چەندێ بهایێ داران گران بوویە و د نوكەدا بهایێ پیكەمەكا داران ب 150 بۆ 200 هزار دینارانە.
فرۆشیارەكێ سۆپێن دارا ل سلێمانییێ دیاردكەت، خواست ل سەر سۆپێن دارا زێدەبوویە، بهایێ سۆپێن دارا یێن توركی نێزیكی 50 هزارانە و بهایێ سۆپێن ژ دەرڤەی وەلاتی دهێن ب 100 بۆ 400 دۆلارانە.
