ئیبراھیم میرانی، جێگرێ سەرۆکێ لژنا گەھاندنێ ل پەرلەمانێ عیراقێ بۆ ئاژانسا خانی دیارکر، ئەڤە بۆ دەمێ دوو ھەیڤانە ئەم وەکی لژنە و پەرلەمان کار دکەین بۆ ئەرزانکرنا بھایێ کارتێن ئەنترنێتێ ل عێراق و ھەرێما کوردستانێ و بڕیار ھاتیەدان بھایێ ئەنترنێتێ بھێتە ئەرزانکرن، چونکە بھایێ وێ ل عیراقێ گەلەك زێدەترە ژ وەلاتێن جیھانێ و پێدڤی ب پێداچوونێ ھەیە ئەڤەژی وەك ھاریکاری بۆ وەلاتییان بھایێ بکار ئینانا ئەنترنێتێ بھێتە ئەرزانکرن.
ئیبراھیم میرانی گۆت ژی: ھێشتا بھایێ نوی یێ کارتێن ئەنترنێتێ نەھاتیە دیارکرن، بڕیارە وەزارەتا گەھاندنا عیراقێ دگەل کۆمپانیایێن بیاڤێ ئەنترنێتێ کۆمببن و پشتی کۆمبوونێ دێ بھایێ نوی ھێتە دیارکرن، ھەر بھایەکێ بھێتە دانان دێ ئەرزانتربیت ژ بھایێ نوکە لسەر کارتێن ئەنترنێتێ ھەی، حوکمەت دێ پێداچوونێ کەت بۆ چاپکرنا بھایێ کارتان و دووڤدا دێ رێژەیەك وەك فایدە بۆ کۆمپانیا ھێتە دیارکرن و پێشبینی دهێتەكرن ھەیڤا داھاتی دێ بڕیار چیتە بیاڤێ بجهئینانێدا.
