هژمارا فەرمانبەرێن حكومەتا عێراقێ پترن ژ سێ ملیۆن و 500 هزار كەسان

ئەڤرۆ چارشەمبی،11-1-2023  لژنا دارایی ل جڤاتا نوونەرێن عێراقێ دیار كر، هژمارا فەرمانبەران ل وەزارەتێن دەوڵەتێ پترن ژ سێ ملیۆن و 500 هزار فەرمانبەران.

موعین كازمی، ئەندامێ وێ لژنێ گۆت: د بودجێ سالا 2023 دا پتر ژ  250 هزار پلێن كاری بۆ وەزارەتا پەروەردێ، هەروەسا 74 هزار پلێن كاری بۆ ئێكه‌مان و هەڵگرێن باوه‌رنامێن بلند هاتینه‌ ته‌رخانكرن.

گۆت ژی، ل وەزارەتا كارەبێ 102 هزار پلێن وەزیفی هەنە بۆ گوهۆرینا خودانێن گرێبەستان بۆ هەمیشەیی.

دەرئەنجام دامه‌زراندنا وان فه‌رمانبه‌ران دێ بیته‌ ئه‌گه‌رێ بلندكرنا بهایێ مووچەیێ فەرمانبەران ژ 42 ترلیۆن دیناران بۆ 60 ترلیۆن دینارێن عیراقی.