بەرھەمئینانا کارەبێ بۆ نێزیکی چار ھزار میگاواتان هاته‌ زێده‌ كرن

ئاژانسا خانی ” تایبەت:

پەیڤدارێ وەزارەتا کارەبێ دیار کر، بەرھەمئینانا کارەبێ ژلایێ حوکمەتێ ڤە ھاتییە زێدە کرن بۆ نێزیکی چار ھزار میگاواتان ئەڤە د دەمەکی دایە ھەرێما کوردستانێ پێدڤی ب حەفت ھزار میگاواتێن کارەبێ ھەیە.

ئومێد بابان، پەیڤدارێ وەزارەتا کارەبێ بۆ ئاژانسا خانی دیارکر” شیانێن بەرھەمئینانا کارەبێ ژلایێ حوکمەتا ھەرێما کوردستانێ گەھشتییە سێ ھزار و ٩٠٠ میگاواتان و چەندین پڕۆژێن دی ژی یێن بەرھەمئینانا کارەبێ ھەنە و کار ل سەر دھێتە کرن بۆ زێدەکرنا کارەبا نیشتیمانی و پشتی ب دووماھی ھاتنا وان پڕۆژان دێ بەرھەمێ كاره‌بێ ھێشتا بەرەف زێدەبوونێ ڤە چیت.

ناڤهاتی گۆت ژی”  نوکە خواست ل سەر بکار ئینانا کارەبێ گەھشتییە حەفت ھزار میگاواتێن کارەبێ، ئەڤە ژی بۆ دابینکرنا کارەبا ٢٤ دەمژمێری بۆ وەلاتییان، ل گەل زێدەبوونا بەرھەمئینانا کارەبێ سالانە خواست ل سەر بکار ئینانێ ژی بەرەف زێدەبوونێ دچیت ئەڤە ژی ب ئەگەرێ زێدەبوونا رێژا وەلاتییان و ڤەکرنا کارگە و جھێن بازرگانییه‌.