ل وانێ چار کەس ب ئەندابوونا پەکەکێ هاتنە دەستەسەرکرن

د چەند ئۆپەڕاسیونێن ل دژی پارتا کرێکارێن کوردستانێ (پەکەکێ) دا لسنوورێ وانێ یا باکوورێ کوردستانێ چار کەس ب ئەندامبوون و هاریکاریکرنا چەکدارێن پەکەکێ هاتنە دەستەسەرکرن.

ئەو ئۆپەراسیۆنە ل حەفتیا بووری لسەر بڕیارا داخوازکەرێ گشتی یێ وانێ بڕێڤەچوون.

تیمێن هۆبا بەرهەنگاربوونا تیرۆرێ ل ڕێڤەبەرییا ئاسایشا وانێ دەست بسەر ژمارەیەکا ناڤو نیشانان دا گرت و د ئەنجامدا چار کەس ب تۆمەتا هاریکاریکرنا چەکدارێن پەکەکێ و ئەندابوون د پارتا کرێکارێن کوردستانێ (پەکەکێ) دا دەستەسەرکرن، ئەڤرۆ دوو شەمبی 16-1-2023 دوماهی ب ئۆپەڕاسیونێ هات.

ڕێڤەبەریا گشتی یا ئاسایشا وانێ ڕاگەهاند، دێ د بەردوامبن لسەر دەست بسەرداگرتنا ناڤونیشانان بۆ دوماهی ئینان ب چالاکییێن وێ ڕێکخراوێ.