سەرۆك مسعود بارزانی ئەڤرۆ ب هەلكەفتا 24 سالیا دامەزراندنا كوردستان TV پیرۆزباهییێن گەرم ئاراستەی هەمی كارمەندان كر و هیڤیا سەركەفتنێ د كارێ وان دا بۆ خوازت و گۆت: ئەڤ كارێ پیرۆز خزمەتەكە بۆ دیرۆك و فەرهەنگ و جڤاكێ كوردستانێ.
سەرۆك بارزانی ڕاگەهاند، جهێ كەیف خۆشییێ یە كوردستان TV هەر ژ دەسپێكا كاركرنێ ب باوەری و راستگۆی ئەو كار ل سەر مللێن خۆ بجهئینا و بوویە جهێ سەرەنجا بینەر و وەلاتییان، هەروەسا بوویە پڕەكا پەیوەندییێ دناڤبەرا وەلاتییێن كوردستانێ ل ناڤخۆ و ژ دەرڤە.
سەرۆك مسعود بارزانی دیاركر، پێدڤییە كوردستان TV ب هێزەكا زێدەتر بەردەوام بیت د پابەندبوون ب کەلتوورێ کوردایەتی و نیشتیمانپەروەری و پێکڤەژیانێ، ئەو ژی ل ژێر سیبەرا رێبازا بارزانیێ نەمر.
سەرۆك بارزانی ل دوماهیكا پەیاما خۆ دا گۆت: دەزگەهێ سەتەلایتا کوردستان وەك هەردەم مینبەرێ هەمی خەباتگێر و وەلاتی و پێکهاتێن کوردستانێ بیت و ب شێوازەكێ گونجای گرنگی ب دیرۆكا خەباتا وەلاتییێن كوردستانێ د نوكە و داهاتی دا بیت.
