<h2><span style="font-size: 18pt;">سەرۆكوەزیرێن هەرێما كوردستانێ ڕاگەهاند، دهێتە چاڤەرێكرن ل چەند هەیڤێن بهێت ئالۆزییێن هەولێر و بەغدا لسەر گاز و پەترۆلا هەرێما كوردستانێ بهێنە چارەسەركرن و هەردوولا ل سەر یاسایا پەترۆل و گازێ رێككەڤن.</span></h2> <h2><span style="font-size: 18pt;">مەسرور بارزانی، سەرۆكوەزیرێن هەرێما كوردستانێ د هەڤپەیڤینەكێدا دگەل ئاژانسا رویتەرز راگەهاند، د نوكەدا حكومەتا فیدرالی یا عیراقێ پابەندە ب راگرتا جێبەجێكرنا بریارێن دادگەها فیدرالی یا عیراقێ یا تایبەت ب گاز و پەترۆلا هەرێما كوردستانێ.</span></h2> <h2><span style="font-size: 18pt;">دیارژی كر، ئەوا هەردوولا لسەر رێككەڤتین ئەوە كو هەمی فشارێن لسەر حكومەتا هەرێما كوردستانێ بهێنە راگرتن و ئەو دێ چاڤەرێبن هەتا هەرێمێ یاسایا تایبەت ب پەترۆل و گازێ ڤە هەبیت. بەلێ هەتا پەسەندكرنا پرۆژەیاسایا پەترۆل و گازێ ل پەرلەمانێ عیراقێ، هەردوولایان دێ هەماهەنگی د بوارێن فرۆتنا پەترۆلێ و داهاتی ڤە هەبیت و ئەو هەماهەنگییە ژی دێ بیتە بنەمایێ رێككەڤتنێ.</span></h2> <h2><span style="font-size: 18pt;">لدۆر رێككەڤتنێ ل سەر پەسەندكرنا پرۆژەیاسایا پەترۆل و گازێ مەسرور بارزانی دیاركر، ژبۆ پەسەندكرنا وێ مە دەمەكێ دیاركری هەیە كو شەشە هەیڤن و هیڤیدارم ب زویترین دەم بهێتە ب جهئینان.</span></h2>
