وەزارەتا دەرڤە یا ئەلمانیا بەیانامەك بەلاڤكر و ڕاگەهاند، بڕیارە تۆباس لیندنەر، وەزیرێ دەولەتێ بۆ كارۆبارێن دەرڤە یا ئەلمانیا ب سەرەدانەكا سی رۆژی بگەهیتە عیراق و هەرێما كوردستانێ.
وەزارەتا دەرڤە یا ئەلمانیا دیاركر، بڕیارە سەرەدانا وەزیرێ دەرڤە یێ ئەلمانیا دناڤبەرا رۆژێن سێشەمب بۆ پێنجشەمبی ل حەفتییا بهێت دابیت و دێ دگەل بەرپرسێن بلند یێن حكومەتا هەرێما كوردستانێ، رێكخراوێن نەتەوێن ئێكگرتی و رێكخراوێن جڤاكێ مەدەنی كۆمبیت، هەروەسا سەرەدانا كەمپێن ئاوان ل هەرێما كوردستان بكەت یێن كو ژ ئالییێ ئه‌لمانیا ڤە هاریكاری بۆ دهێتەكرن.
تۆباس لیندنەر ڕاگەهاند، ئێك ژ پرسێن سەرەكییێن سەرەدانا من بۆ هەرێمێ پشتەڤانییا ئەلمانیا یە بۆ عیراق و هەرێما كوردستانێ د پاشەرۆژێدا.
هەروەسا بڕیارە وەزیرێ دەولەتێ بۆ كارۆبارێن دەرڤە یا ئەلمانیا دگەل بەرپرسێن بلند یێن هەرێما كوردستان و عیراقێ، رەوشا ئێمناهی و سیاسییا دەڤەرێ گۆتۆبێژبكەن.
