بەختیار زێباری
تورکیا دناڤبەرا شەرێ سیاسی و سروشتی دا؟
خاندنەکا دی بۆ ئەردهەژا تورکیا؟
ئەردهەژا ل تورکیا چێبووی سەرەرای خەمەکا مەزنە و ئەم خەمگینین ب ئەڤا چێبووی و وەلاتییێن کورد قوربانییێن وێ یێن سەرەکی بوون، لێ پەیامەک دا دەستهەلاتدارێن تورکیا و ئەو پەیام چ ژ هەژینا ئەردی کێمتر نەبوو.
ژ سالێن ١٩٥٠ یا وەرە تورکیا بزاڤان دکەت سرۆشت و دیموگرافییا دەڤەرا خوە بگوهوریت و ب ڤان گوهورینان دوو ئارمانج هەنە:
ئارمانجا ئێکێ: ڤەقەتیانا کوردان ژ دەڤەرێن وان کو ئەڤ پرۆژە دێ بیتە سەدەم ٧ ملیۆن کورد ئاوارەببن و مەترسیێ دێ لسەر ٩ پارێزگەهێن باکۆر دروست کەت.
ئارمانجا دویێ: بکارئینانا ئاڤێ وەکی کارتەکا فشارێ ل هەمبەر ئیراق و سوریا و ڤێ ژی هەر کورد دبنە قوربانییێن سەرەکی.
ئارمانجێن تورکیا ب ڕێیا دروستکرنا بەنداڤان و گرتنا ئاڤێ یە، ل ڤێ دوماهییێ ژی و پشتی نێزیکبوونا تورکیا ژ تەمامبوونا پرۆژەیێ گاپ( ئەنادولێ مەزن)ئێدی ئەو مەترسی ڕۆژ بۆ ڕۆژێ پتر دبوو سەرەرای کو ئیراق و هەرێما کوردستانێ ب دەهان جارا تورکیا ئاگەهدارکریە و داخواز ژێ کریە دەست ژ ڤی پرۆژەی بەردەت و ژ لایەکێ دیڤە پرۆژەیێ تورکیا ل دژی یاسایێن نێڤدەولەتی یێن گرێدایی ئاڤێ یە، لێ مخابن تورکیا نە ب تنێ بەرسڤا ئیراق و هەرێمێ نادەت بەلکۆ یا بەردەوامە لسەر کارێ خوە.
پشتی کو مرۆڤ بێ هیڤیبووی ژ دەستهەلاتدارێن تورکیا سروشتی ئاگەهییەک دا تورکیا، ئەو ئاگاهی ژی ئەرد هەژەک بۆ کو ب هزاران قوربانی ل دویف خوەدا ئینان.
د نوکە دا ل گوری گوتنا کەسێن بسپۆر ئێک ژ سەدەمێن سەرەکی یێ ئەردهەژا تورکیا گرانبوونا ئەردێ وێ بوویە ب سەدەما ڤەگرتنا ئاڤەکا زێدە دناڤا وەلاتێ خوەدا و ئەرد نەشێت ڤێ ڕێژەییا ئاڤێ دناڤا خوەدا ب هەلگریت و ئاڤەکا زێدە دچیتە بن ئەردی و دناڤا خەزانێن ئاڤێ دا شیان نینن و ئەڤە دبیتە سەدەم دەرز چێببن و ب ڤی رەنگی نەچارە ل جهەکێ کارەساتەکێ دروستبکەت، پشکەک ژ بسپوران د وێ باوەرێدانە کو ئەڤ کارەساتە ب تنێ نابیت بەلکۆ دبیت خرابترژی هەبیت، ژبەر ڤێ مەترسییێ ژی نوکە دەستهەلاتدارێن تورکیا ژی هەست پێکریە و دەست ب بەردانا ئاڤێ کریە و ئەگەر ب ڕەنگەکێ زانستی سەرەدەریێ دگەل بەردانا ئاڤێ ژی نەکەن دێ کارەساتەکا دی ژی پەیدابیت.
دوماهییێ پرسیار ئەوە:
ئەرێ تورکیا دێ وانەیەکێ ژ ڤێ کارەساتێ وەرگریت یان ژی دێ پشتی کارەساتێ بەردەوام بیت لسەر پێشڤەچوونا پرۆژەیێ گاپ.
ناجی گورور – جیۆلوجی- تورکی
شالاو رەشید – مامۆستایێ زانینگەهێ
د. مەدیحە سۆفی – مامۆستایا زانینگەهێ
بەختیار زێباری
