مەسرور بارزانی، سەرۆکێ حکومەتا هەرێما کوردستانێ ئەڤرۆ رۆژا ئێكشەمبی دگەل شێخ محەمەد بن راشد ئال مەکتووم، جێگرێ سەرۆکێ وەلاتێ ئیماراتێ و سەرۆکێ جڤاتا وەزیران و حاکمێ میرنشینا دوبەی كۆمبوو.
لدووڤ ڕاگەهاندنا حکومەتا هەرێما کوردستانێ، د كۆمبوونێدا شێخ حەمدان بن محەمەد بن راشد، جێهنشینێ دوبەی و هژمارەكا بەرپرسێن بلند یێن ئیماراتێ ئامادەبوون، پێشڤەبرنا پەیوەندییێن هەرێما کوردستان و ئیماراتێ گۆتۆبێژكرن.
سەرۆکێ حکومەتێ سوپاسییا پشتەڤانییا بەردەوام یا دەولەتا ئیماراتێ د چاکسازییێن حکومەتا هەرێما کوردستانێدا کر، ب تایبەت د بوارێ ئالۆگۆرییا بازرگانی و وەبەرهێنانێ.
هەروەسا شێخ محەمەد بن راشد، كەیفخۆشیا خۆ ب سەرەدانا شاندێ هەرێما کوردستانێ دیاركر و گرنگییا پەیوەندییان بۆ هەردوو ئالییان د هەمی بواراندا دووپاتكر.
