ئەڤرۆ ئێكشەمبی، 19-02-2023 ێ، ل رۆژا سیێیێ ل کۆنفرانسێ ئاسایشا میونشن ل ئەڵمانییا، نێچیرڤان بارزانی، سەرۆکێ هەرێما کوردستانێ ل گهل ئهنتۆنيۆ تیانى، وهزيرێ دهرڤه یێ ئيتاڵيیا كۆمبوو.
د وی كۆمبوونێ دا ههردو ئالییان تهكهزی، ل خواستا دولايهنی بۆ پێشخستنا پهيوهندی یێن ئيتاڵیيا ل گهل عێراقێ و ههرێما كوردستانێ” كرن و هەروەسا “بهحسێ بهرفرههكرنا هاريكاری یێن ئيتاڵيیا بۆ ههرێما كوردستانێ د بیاڤێ شوونوارناسيیێ دا كرن، ههروهسا دابينكرنا کۆرسى یێن خواندنی بۆ قوتابی یێن ههرێما كوردستانێ ل ئيتاڵیيا”.
سەرۆکێ هەرێما کوردستانێ “خواستا ههرێما كوردستانێ بۆ پتر پیشخستنێ و بهرفرههكرنا بیاڤێن پهيوهنديى و هاريكاريیا ههڤپشك ل گهڵ ئيتاڵیيا” دوپاتکر و “ههموو ئاسانكارى و پشتهڤانی بۆ وهبهرهێنان و سهرمايهدارێن ئيتاڵى” ل هەرێما کوردستانێ راگەهاند.
نێچیرڤان بارزانی ههروهسا “سوپاس و پێزانينێن خۆ بۆ ههموو پشتهڤانی و هاریكاری یێن ئيتاڵيیا بۆ عێراق و ههرێما كوردستانێ دهربڕى.”
